منتدى لولو كاتي

لكل عشاق لولو كاتي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

  اليووم جاب لكم لطشه فظيعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لولو كاتي
المديرة العامة
المديرة العامة


عدد المساهمات : 341
تاريخ التسجيل : 12/05/2011
العمر : 16
الموقع : السعوديهـ

مُساهمةموضوع: اليووم جاب لكم لطشه فظيعه    الأحد أغسطس 21, 2011 9:30 pm

للمدرسة ..كل يوم..نمشي..
وحدة في باص...وثانية في تاكسي..
زحمة من الصبح...كانها زفة..في عرسي!
ألم في الراس..من الصبح..مثل الي في ضرسي!
ولا شفت كشة بنية..حسبتها عبسي!
شفت المعلمة : قالت لي يا فلانة درسي!
طق الجرس..
وجت المراقبة تفتر..
كانها فارس متعنتر..
قالت شال مخالف..
قلنا بل..صرنا ..مجبوس محمر
جوتي مخالف..لا..ما برجع الا خدي مسطر
اظافرچ طوال يا بنية قصيهم..
رحنا ملح...لو زعتر؟
وقعدت على ذاك الكرسي..
دشت معلمة..قالت سلام..
قلنا مرسي..!
**
حصة ورا حصة
مثل الحلق في غصة..
قالوا علوم..
قلنا..ونغصة!
قالت من ويش تتكون الذرة؟
قلنا..!!
ما ندري يا أبلة..
كنا نايمين في هالدرس نصه!..
تحمرت عيوناتها..وصار الدم في رصة
رفعت صوتها...وقالت
والله..لانقص كل وحدة منكم...من علاماتها..نصها..!
**
دشت معلمة الرياضيات..
قالت: طلعوا اوراق يا بنات
تبققت عيونا..وقلنا...ويش الخبر يا فتيات؟
اختبار مفاجئ!!
طلعنا اوراق..وصارت التفاتات
شالت الاوراق بسرعة..
وقعدت تشرح المعادلات..!
يوم ثاني..قالت
يا بنات انتوا غشاشات..
وكسلانات..
متى بتعتدلون يا معوجات؟
تنطم كل وحدة منا..ولا كان شي فات!!
**
عربي..سميناه جمع تكسير..
لانه كسر ظهور علاماتنا تكسير
الفاعل ..ضل فوق قلوبنا مرير..!
والمصدر...للحين البنات يسمونه ..هرير!
كل وحدة تتمنى في حصة العربي سرير..
تنام فيه..وتريح هالضمير!!
ووشوشات البنات مثل الصراصير..
**
جت الفسحة وانهدينا بسرعة..
نركض نركض عل وعسى نلحق على الفسحة
نتزاحم في المقصف..كأن يوم القيامة!!أو الساعة!
نضحك..نسولف..ولا نشبع..لو عطونا الدهر..وأرباعه!
نحشي بطوننا..كأنا في مجاعة!!
نفتر..ويا كثر الفرارة والصياعة!!
رن الجرس.. وحزنت قلوبنا وخلصت المياعة..

**
جود مورننج جيرلز
جود مورننج تيجر
حصة الانجلينزي وما ادراك ما هيَ!!
يبي ليك معجم عشان تفهم..ما تقوله..هيَ!
نوت..ترا هذي أداة الناهية!
تكمل الحصة..واحنا..في خبر كان..!!أو هيَ!؟
**
الاجتماعيات..!ندرس عن فرنسا ، ايطاليا، وامريكا..!
مثل الاغاني لا دشت اذنك كانها مزيكا
درسنا كلشي..إلا انتاركتيكا!
امريكا..في كلشي تتدخل!
وجيوشها في اوطاننا تتفلل
وبريطانيا مسوية روحها البطل الي يتعلل!
لا تنسون..رفيقتهم اسرائيل..تنام شوي..وشوية تتملل!!
تاكل شهيد!لو اثنين!ما يهم!!كله في التاريخ تغلغل
ندرس عن محمد علي!!
هو في قبره....ينصلي.!
واحنا من كثر الي سواه ننقلي!!
والي كره التاريخ!!سموه جنقلي!
**
"حفظ السورة يا بنات"
لا تغتابون المعلمات يا مغتابات..
لا تنمون يا نمامات..
لا تغشون يا غشاشات..
لا تنامون في الحصص يا منخمدات!
**
"هدددددددددددددددددددددددددددددددددة"
كل وحدة تطلع ضروسها من الضحكة..طول المدة!
وتقول آه..هذي اللذة!
رد يصفر الوج..لين نتذكر الهموم..
يجون أكثر من ورق الي في حديقتنا..ورق المشموم
**
طلعنا بره المدرسة..
تستغرب...!من كثر الأنام!
سيارات أشكال والوان!
وحدة حمرة..وحدة خضرة..وحدة مستنقع ألوان!
الأغاني حده موصله آخر الفرقان!
كشة كل واحد!كأنها عش عصفور، ذيب لو ثعبان!
نظارة..وكشخة..!ورزة!!..وأفنان!!
لكن تقص على من يالفرحان؟

**

البنات..مثل الدود تفتر..!!
الشعر نصه طالع..والخد محمر!
تصرخ على هذا..وتلعن ابو وج مقشر!
تغمز رفيقتها...وتهمس محسر!
تقول: يو..نسيت بالطوي..ما خليته معطر!
ترا رفيچي بيجي اليوم مغتر!
جوفي الحبة الي طالعة لي..بيقول عن وجهي مشنتر!
تستغرب من كثر الخلايق..!! من كثر البلاوي والعنتر!!
تروح بسرعة..تشرد بالسيارة..تبي توصل للبيت!!أو للبر!
تبي تفتك من هالمنظر!
وش هالعفة!وش هالجمال!؟وش هالوج المنور؟!!!!!
**
الواجبات ترسة سلندر
نحل واحد..يطلع لينا ألف..يمكن أكثر!
تبانا نرسم..
تبانا نكتب..
تبانا نحفظ..
يا ناس ترانا مثلكم!!بشر!
تتكسر أيادينا ..لين كتبنا كلمة..أو سطر!
**
نكمل بسرعة..وعلى النت طايرين
وللمسنجر فاتحين!
وللسوالف دايماً بارزين!
تقول: كيف الحال؟
قلنا: الحال زين!
ونضل جذي لين نمسي
وفي نهاية الوقت نتذكر
يووو نسيت أطلع بحث للدين!!
**
ننام..وفي بالنا أحلام..وأوهام..
وحدة تعد العرسان!
ووحدة للحين تمني نفسها بعاشق ولهان!
وحدة تتذكر..!يا ربي صليت ركعة لو ركعتان؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmadaliatef.forumarabia.com
لولو كاتي الجميله
عضو نشيط
عضو نشيط


عدد المساهمات : 38
تاريخ التسجيل : 09/07/2011

مُساهمةموضوع: رد: اليووم جاب لكم لطشه فظيعه    الأحد أغسطس 21, 2011 10:25 pm

ههههههههههـ



مشكورهـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اليووم جاب لكم لطشه فظيعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى لولو كاتي :: المنتدى الأول-
انتقل الى: